經歷詳述:
本人哥哥為弱智人士，而且不是很配合那一種。有自閉症，去到陌生環境情緒會有些不穩。

早幾日發現佢眼睛好似有啲問題，成日撞到嘢，有感事態嚴重，故周圍幫佢搵醫生睇。

過程係失望的，因為好多醫生聽到佢狀況，都唔肯接佢呢個case，連睇都唔肯睇佢。

終於，我地上網搵到黃莉醫生，佢肯接哥哥呢個個案。

今日上到去，哥哥唔係太合作，好想走。 醫生好有耐性，溫柔又細心咁幫佢檢查，做左基本檢查。
當然，因為哥哥情況，唔能夠喺診所做再進一步深入檢查。

醫生馬上幫我地安排幾日後入院做鎮靜檢查，因為特殊情況，其實佢地要協調好多嘢先做到，但醫生都一一幫忙。

當然，醫生初步診症，都係專業的，意見到位亦十分中肯。

世界上有此仁醫，真係弱勢人士之福。

簡評:
個人觀感- 仁心仁術、醫德高尚
經歷過程- 醫護人員親切有禮的提供協助
推介意見- 不可多得，值得等待