Hui Mei Fung回應:
X女士寫的全部同金錢的層面，沒有將全部事實寫出。是很偏激的評語。查實當日診所非常繁忙，所有預約時間已經滿了，X女士打電話來預約說突然聽唔到聲，我們好心加位給她，怕有急症問題要及早治療。當晚X女士差不多八點先來（預約是六時至六時半時段），所有病人已經差不多走了。登記時已經給她看了收費的清單，例明除診金外，各項醫療服務要每項收費由$400起到$800起，X女士也看過及簽署同意書，說明醫生會根據醫學的需要，做各項的醫療服務，不會事先解釋原因。X女士在醫生房因為完全聽不到，所以很難了解她的全部問題，檢查時發覺她兩隻耳朵內塞滿很多很多耳石，是因為長期多年積累的分泌物及發炎引起，耳石又牢牢鎖住耳道，非常困難取出，但醫生沒有放棄，努力工作用顯微鏡及儀器續小取出，兩邊耳石已經花了半小時以上了，X女士因為受長時間真空吸取耳石影響，所以非常頭暈，我們都好有耐心安慰她直至她恢復後，再做鼻鏡檢查，做之前已經跟她説明是否定鼻咽癌的可能性，鼻鏡過程順利，X女士沒有異議，她很高興因為聽力完全恢復正常，當時醫生解釋並忠告，她的問題是多年外耳道發炎，要定期回來清理耳道及薬物治療才能避免耳石再生。X女士收到收費單突然性情大變，説不合理及被騙，因為病人不滿及不肯付費，醫生要再接見X女士，解釋手術非常難及時間長，所以收費會比平常高，鼻鏡檢查是醫學需要的，因為耳朵發炎是鼻咽癌的先兆，醫生不能看漏一個鼻咽癌個案，但X女士不接受，堅持自己知道個鼻咽無事，最後醫生都好好人，免收她的鼻鏡費用，她又不要治療的藥，祗付了診金及取耳石手術費用走人，走時沒有說一聲好的說話及警告醫生會投訴。這件事對我們打擊很大，因為全組人包括四位䕶士，一位醫生前後花了一個小時去幫助一位病人去解決問題，病人成功恢復聽覺，收工當時已經時晚上九點了，但我們一句多謝或唔該都聽不到，衹聽到惡言惡語。之後一日，醫生立即開會議檢討事件，強調加強對病人收費解䆁，全件事全體員工表現非常好，更提出無論病人之後怎樣對我們也要維持專業做到最好，希望大家對幫過你們的醫護好D，他們會更加努力工作！

cass回應:
點解依間診所D職員會張病人醫療過程寫晒出黎？病人咪冇晒私隱囉。

如果覺得阻你地收工，係咪應該唔接症呢？接左咁即係知道要加班，要職員加班，依個係醫生問題，職員應該向醫生反影啦。
再者，話病人冇講多謝或唔該，咁你收錢果時有冇多謝個病人呢？
用左一小時做小手術，我諗應該好平常，依家講緊係專科，收得比普通科貴就係因為病程專門左，睇症時間緊係會長左架啦，唔能夠怪個病人令你遲收工或要好感激你。ps你唔收錢就另計。

講到尾，都係錢。但診所職員張病人醫療過程咁講出黎，我就覺得唔係咁好，再注意一下私隱問題。

真不平則鳴回應:
不明有咩私隱問題? Cass你睇完知道個pk病人姓甚名誰咩?

睇私家睇唔起就咪鬼睇! 診所應將此女士加入黑名單, 睇完醫生唔俾錢, 下次應報警處理。$2750?! 醫生食餐飯都多過呢過數, 其實我覺得已收得好平, 呢個人完全不尊重醫生的尊業, 佢應該覺得俾少少錢要醫生包佢生養死莽。

又想有私家水準服務, 又唔想唔願俾錢, 仲想要投訴。投訴咩野? 投訴你自己想食霸王餐?

K回應:
如果你話你鼻咽無事就真係無事，不如你自己醫自己啦唔好睇醫生啦，命係你自己，唔係醫生的，醫生好人先走去同你照，佢為你好，唔照佢唔會有問題。你其實只不過想要一個頭痛醫頭 腳痛醫腳的醫生吧。