經歷詳述:
我病左成個月，一開始係耳仔塞，後來不斷咳，咳了成個月都未好，左耳仲有回音，聽到其他人講野好似好遠咁，自己食野同講野聲好大聲。我不斷上網搵資料，見到好多人都話洗耳痛，搞到我好怕睇醫生，但病左太耐，我頂唔順，都係要去睇，個刻一心只求醫好，貴少少都無所謂。上網見到有好多人讚陳醫生，於是我就預約去睇。陳醫生非常耐心聽我講述病情，他話耳仔唔多唔少會影響到喉嚨同鼻，之後幫我洗耳，竟然一d都唔痛，洗耳時陳醫生不斷係旁邊講如果有任何不唔舒服，要即刻同佢講，令到我冇咁驚。最後陳醫生開左藥比我，我食哂就冇咳，之前睇左兩個西醫都唔好，依加終於好返哂，隻耳仔仲要聽野比以前更清楚，多謝您陳醫生。
備註:診金仲比左折扣我，唔知係咪見我第一次睇，呢個醫生真係仁心仁術
簡評:
個人觀感- 仁心仁術、醫德高尚
經歷過程- 醫生會清晰明確的講解其病情
推介意見- 值得向有需要人仕推介