經歷詳述:
黃醫生睇病都幾詳細，而且會解釋得好詳盡，等你知道自己咩病，唔係懵懵下食完藥就算。可能係做慣老人科，對慣老人家，所以會“um尋”一啲，好似我上吐下瀉，佢會解釋咩為之肚瀉、瀉幾多次同點樣既分泌物先算係瀉；之前我去旅行睇佢攞避孕藥，佢又會解釋點樣計幾時開始食、點解開咁多日俾我，停食之後隔幾耐會有咩情況等；再之前，有次傷口細菌感染，佢開消炎藥同抗生素，都係解釋得好足。佢都真係幾好心機！

仲有，佢開既藥都係靚藥，唔係好多醫生會俾一排一排裝既藥丸，因為嗰啲一定來貨價貴（去連鎖診所大多都係俾一桶桶買入既藥）。3日藥都係＄180，而且佢會俾足止痛藥、胃藥，傷風睇佢時甚至俾定咳藥，即使俾足一個星期既避孕藥或者係抗生素，都只係＄220。非常難得！
簡評:
個人觀感- 詳盡親切、耐心施診
經歷過程- 醫生會清晰明確的講解其病情
推介意見- 值得向有需要人仕推介