經歷詳述:
今日公眾假期,好多私家都唔開,唯有去睇基健.
前幾日剝左智慧齒,對傷口有d擔心,因為塊面好腫,仲腫到落頸.慘在剝牙個牙醫假期唔開,就去基健.
可惜基健牙科都full左,個牙科姑娘就解釋假期比較多人,話聽日睇應該有位,但我自己又擔心,就同牙科位姑娘傾下,咁佢都同我解釋開刀剝智慧齒腫都一定腫,食牙醫開的藥和熱敷其實都好ok.但我諗都想搵個醫生睇下傷口同腫,搵個西醫都ok.
點知今日值班果個係呢個鄭大醫生.
我同佢講因為剝完智慧齒面腫喉嚨都痛痛地,過左幾日都唔見消,仲腫到落頸位,佢就叫我大開個口照兩照望左兩望,之後就開始話我傷口發炎,喉嚨發炎,傷口細菌感染,要開2種抗生素比我,我話2種咁多,咁佢諗諗下就話開1種強勁的比我都得,之後話開埋消炎藥,胃藥,止痛藥,維生素果d成6種藥,講完攞出個計算機諗住計錢比我知.
不過,我話已經食緊牙醫開的抗生素,不如就唔洗再開抗生素,因為抗生素都食到一大半,個鄭大醫生就話我隻抗生素cheap,所以個傷口先發炎,但我考慮到抗生素應該要食完全部(及牙醫果度都訂囑我要食完),我就婉拒話都係唔要抗生素,佢就開始靜默十幾二十秒唔出聲.
之後話我唔明一定要食勁的抗生素先得,又話我唔信佢,咁我都再解釋抗生素食緊停左唔係咁好,佢就話佢開隻新的抗生素停舊果隻抗生素沒有問題.不過我堅持唔需要抗生素,鄭大醫生就勞氣啦,佢話"你唔信我就走啦,我仲有其他病人要睇,你以後都唔好再黎呢度睇我!"講到我阻住佢及唔開抗生素比我就快d走...
第1次睇醫生比個醫生趕走,整個過程好像好耐,但其實"問聞望切"不夠1分鐘,討論要唔要抗生素都搞左4-5分鐘,其中令我印象深刻係其實我有沒有需要成5-6種藥(牙醫已開抗生素/消腫藥/止痛藥x2),而醫生拿計算機出黎計錢果度真係令我覺得佢想收多d錢而開咁多藥比我,其間態度唔洗講,醫德都令我質疑!
在此都忠告大家,去基健如果係鄭志眾大醫生,都要考慮下入唔入去!
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧