經歷詳述:
極之冇禮貌仲會俾說話人聽嘅醫生
本身已經極之唔舒服，見近近哋就去睇佢。一坐低就係咁叫人打流感針，唔知呢個阿伯係撞聾定係扮聽唔到我講咩，我講咗幾次話唔想打，然後就開始情緒勒索問我做咩唔打，打咗咪唔使有今日咁唔舒服囉，仲講話多得我唔打先至可以賺到我多啲錢。
有冇醫生會咁樣講嘢？已經講咗幾次話唔打，家陣做醫生大晒？仲話我叫你打針係因為有愛心唔想見到你病，而家叫你打你唔打咪賤囉。
我明白作為醫生想病人好建議佢打流感針係好合理嘅事，但係如果病人講咗幾次話唔想打，係咪要咁樣俾說話佢聽？病人冇自己嘅權利選擇唔打？
呢個醫生仲講咗好多好難聽嘅說話，除非你係冇自己思想，完全唔會有自己主見嘅就去睇佢啦。

最後，呢間診所收咗我$350，只係開得兩日藥俾我，試問有冇一個病係食兩日藥就好返㗎呢？
呢個所謂醫生仲話一支流感針要$300，如果我聽咗佢講打咗針總共我就要俾$650。
大家係咪仲要去睇呢個醫生自己諗啦。

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧