經歷詳述:
當日因為大髀內側，大髀後，三角位同腋下皮膚痕癢，所以去左睇醫生，醫生表示是濕疹，當日有姑娘情況下，都只是睇左我三角位置的小部分，之後問下流汗大唔大，最近有冇食蝦蟹等等，之後出去等俾錢。

因為我當時趕時間，姑娘就同我講收費$400蚊 每日三次 開左類固醇1/2安士的藥膏俾我查，之後話藥膏個蓋扭唔實，叫我小心啲，原因因為一個藥膏唔夠我查，所以姑娘放多啲落去，變咗個蓋扭唔實。因為我當時趕時間所以拎完藥走左。

結果，當日下午11點幾睇完醫生，一日三次薄薄地搽有濕疹嘅位置，但因為濕疹範圍比較大，第二日已經剩返少量藥膏，應該夠搽多一次左右，我再打電話去診所表示，可唔可以比多一個藥膏我，點知同我講一個藥膏要收$100，醫生表示一個藥膏是三日所需嘅容量，而睇咗我濕疹情況一個藥膏係夠搽，同佢電話講左好耐，我濕疹位置大髀內側，大髀後，三角位同腋下，一個咁細嘅藥膏一日搽三次，點睇都查唔到三日拉，仲話自己行醫咁耐我係第一個咁樣，我本身體型係比較肥，濕疹範圍亦都比較大，我亦都好清楚類固醇要薄薄地查，我都唔希望自己嘅皮膚粗鞋，我真系好嬲，唔係價錢嘅問題，我覺得係唔合理，我去得睇醫生當然希望醫好，但如果開俾我嘅藥淨係夠用一日半左右，我就覺得收費同藥唔成正比，感覺好似俾人呃，但我俾$400蚊系三日藥，好似焗我要再俾錢買藥咁，仲要不停俾佢話係我問題，雖然最後佢免費再俾一個藥膏我，但係整個過程佢好堅持係我嘅問題，又表示如果當日我同佢講藥膏唔夠佢嘅收費就係$500。仲話有好多客人想拎多啲藥膏以備不時之需，但係我完全冇咁嘅諗法，一個醫生竟然交談之間令我覺得佢認為我貪小便宜，真系令到我覺得佢完全為錢，無醫德，其實睇醫生你開咩藥俾我我咪照用，如果我睇嘅時候查都未查發現藥膏唔夠叫你俾多個我，我做咗醫生啦。佢對答離晒譜。

我真係唔建議大家去睇佢，完全唔覺得佢有心去醫好病人，感覺淨係純粹要搵錢。

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧