經歷詳述:
唔明點解下面所有留言都係負評
我反而覺得陳語堂係一個好醫生
我唔用得個支雪條棍壓條利
因為由細到大一用就會乾嘔反胃
佢都好貼心就係叫我：「咁盡量打開個口。」
可能得我一個病人提出咁奇怪既要求
我每次一話唔用個支雪條棍佢就唔會多問
我有咩傷風感冒腸胃不適都係睇佢
打針食藥冇一次係唔好架喎
可能有人會覺得佢問唔夠你幾句就打發你走
但其實只係人地經驗老到
誇張講句 睇你眉頭眼額就知道你咩情況
最緊要都係佢開既藥有效姐
人地係幫你睇病 唔係同你傾計
人地一年365日都開 你估好容易?
我仲記得有一次我星期日病到就快死
我去睇佢個陣仲同佢講好感激佢連星期日都開診
佢仲笑住講話：「隔離(隔離診所)星期日都開架!」
好多人話佢脾氣差同黑面
但又話人地講唔夠兩句就打發你走
咁你地又如何得知佢脾氣差呢
我就真係冇見過佢脾氣差同黑面
每次佢都係一臉嚴肅既樣子姐
可能有人會覺得我打咁大篇野係打手
但我只係想大家知道亂講既唔係事實野會好影響人地聲譽
人地咁辛苦不停工作 點解仲要求人地咁多
最緊要你個病醫好 佢就盡左佢既職責啦
祝大家都身體健康
簡評:
個人觀感- 經驗豐富、絕不拖症
經歷過程- 雖則過程簡捷，診效尚算明顯
推介意見- 可能人夾人緣自己衡量