經歷詳述:
起初以為係普通皮膚問題，去CUHKMC掛急症科。點知睇着呢個林醫生。診症過程好快，佢望咗一眼就話「可能係細菌感染，開抗生素先，返嚟覆診如果唔好再睇」。開咗一星期口服抗生素 + 外用藥膏，冇詳細檢查或解釋點解會感染、點樣護理。整個consultation唔夠10分鐘，感覺好機械化，眼神少少接觸，語氣冷漠。
服藥兩三日完全冇改善，反而紅腫範圍擴大，變成有膿頭、痛到坐唔穩，發展成小膿瘡（約1cm）。覆診時痛得要命，見到佢即刻話「呢個係abscess，要切」。我以為佢會即場處理（因為好細個，之前公立醫院急症室護士abscess都on-site drain過），但佢直接拒絕做，轉介外科專科醫生。喺同一醫院轉介咗一個外科醫生（應該係佢熟人或同事，後來發覺係之前換肝換到一半出咗去私家做第二個手術嗰個醫生）。搞到又要等多兩三個鐘。

結果外科醫生當日就喺門診好簡單咁幫我搞掂咗。我女朋友話我樓下嗰個GP都應該搞得掂。但私家醫院收費驚人：手術費 + 藥物 + follow-up，總共幾千蚊（具體唔講數字，但遠超預期）。整個過程拖咗超過四星期，期間痛楚影響工作同生活，好辛苦。

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧