經歷詳述:
睇呢個醫生全因呢到d comment， 所以我都將我既親身經歷盡可能subjective咁講返俾大家參考。
本人右腳兩腳趾生咗幾粒小疣，dr 一睇就話我要做laser ，用放大鏡一層層focus咁做，十日同通常一次好，如果我做冷凍就要幾次。由於想快d好，就選了laser。
做手術時，佢要麻醉兩隻腳趾，我話你上次睇到腳掌有佢先check到。然後我再問會唔會傳染到左腳，佢先check到左腳都有一粒。手術完成後，同我所想像既'focus'咁做不一樣，做咗三個分別大於0.5cm及1cm 同約2-3mm深傷口。我即刻問點解咁大同深，dr 就話旁邊其實好淺。工作上我要碰海水及潛水，所以我更加緊張問幾時可以潛返，佢話潛水麻煩d，要十日先得。我就攞咗佢話靜係要印一印傷口嘅藥水，藥膏同抗生素返家。嗰十日內我都盡量唔出街行同好細心照顧傷口，因為我覺得個傷口真係深同大。
十幾日過去，傷口冇好，去咗附近保健處一睇，醫生護士都好詫異咁大個傷口同話要多兩三個星期先好。告訴朋友，朋友就帶我睇多另一個dermatologist,同保健處comment一樣，再俾多五日antibiotics我食。 我都不以為然，諗住dr都最多一時重手or手勢不太好而已。
再幾日，終於book到dr可以覆診（做完手術19天)，佢話我腳汗大，所以耐d好，俾咗5天antibiotics同一枝solution 我塗落仲滲緊血同水既傷口，話會令傷口乾，七日會好。六日後，由於傷口仍滲水同痛，就再去覆診，得到咁答覆都係就好，再吃三天antibiotics，七天後一定好。
如是者，傷口又唔好，手術後已40天，由於dr放半個月假，我只好再去保健處，保健處醫生奇怪點解會用solution蓋住傷口，用了半小時洗走，我又再次見返solution下面既傷口根本冇結疤，仍然滲血滲水。 其後查問，也不見得使用該solution為治理傷口的正常方法。每一天給我洗傷口的護士都驚訝laser傷口之大及深。終於一天，我對於過去一個月走路疼痛，不能自由活動，每天照顧傷口的麻煩和最重要超過一個月不能做自己的工作感到非常傷心及憤怒。
手術後47天再看dr.ho，一看傷口他又説右腳快好了，遙望我左腳後又說傷口已經完好，沒有再生疣。我對手術四十多天仍未完好表示不滿，他願意道歉及賠償手術費。但重申原因只是我腳汗大，所以才預計不到復原時間，他的手術無出錯。（之後問替我了兩個護士，都不覺得我腳汗很大）
由於不安心，之後的一天，我又去看別的醫生，醫生確定左腳的傷口是疣，要再做冷凍治療。
我不是醫生，無法評論他當初的手術及治療藥物。但是我覺得dr.ho 至少沒有履行對病者的謹慎責任，從他沒有自行檢查我整個腳底及其後如何檢查傷口及從沒細心替我清潔傷口可知一二。手術前亦冇明確告知laser比起冷凍potentially 可以做成更大既損害。
原本冇諗住要打呢個comment，傷口比預期慢復原慢係冇人知既（雖然已經五倍時間），只係最後你遙望檢查我左腳嗰下我嬲左，掂下佢同放大鏡都冇用到。然後我發現真係仲有...如果我冇再睇，可能又會再生...
可能我學生哥三千元你唔care，但係對病人心情同工作既影響係可以非常巨大。睇返再前幾頁既 comment，都有人不滿過你既手術。希望醫生你都諗下成件事，我唔希望有下一個病人都咁...
簡評:
個人觀感- 態度有失、醫德有損
經歷過程- 需要自己主動提出較多的諮詢
推介意見- 本人絕對不會再作光顧