經歷詳述:
呢個所謂醫生根本就一啲醫德都冇！！平時見醫療卡網絡醫生中最唔洗等就係佢，先睇佢，不嬲態度衰到爆！診症又求其，半分鐘趕你走！平時果啲都算，今次真係嬲到爆！

今次去同佢講我流鼻涕搭完飛機耳仔塞哂好痛。佢診症時用照耳仔支野勁大力隊入去，我話好痛，跟住縮，佢竟然勁大力按住我條頸唔俾我縮，繼續更大力地隊我耳仔！我一早講左我好痛！佢竟然可以好似特登咁更用力！冇當病人係人！

聽背脊時又令我o咀！佢拎高哂我件外套同底衫(姐係露肉)，但個聽筒根本冇掂過我啲肉！佢係外套上聽！咁姐係點？姐係一，你冇需要拎高我件衫！二，你冇用心聽！

跟住更離譜！睇完佢話你又耳仔痛又剩，我唔知你咩事，你自己去QE睇！請問斷唔到症既醫生係咩醫生？！上網搵下加少少常識都知感冒搭飛機因為氣壓會有ear block加耳痛！作為醫生會咁都唔知咩事？！
加上佢同診所姑娘亦係一如以往態度奇差！真令人氣結！
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧