經歷詳述:
首先想講入到去見醫生,已經見到位醫生鍵盤下有一串銅錢,已經令本人覺得難以接受,身為醫生,唔係應該以病人病情為中心,反而信呢D命理放一串銅錢想殺病人一頸血?
2.係完全無問過陪本人睇醫生的一位係點稱呼,一直將我老公叫成男朋友.完全覺得呢位醫生以貌取人去估病人親屬關係
3.本人已經上網睇了無數咁多有關念珠菌的病情,相信自己症狀係念珠菌,希望醫生能準確話到我知係唔係念珠菌.誰知呢位醫生問我既情況時,我都未講完,已經連珠炮咁講佢要講既野.完全無理病人講野.仲遊花園去講其他問題以鋪排佢之後想搵錢位置
4.講完一輪,佢竟然可以答唔到我係咩事,咩都話可能,唔知,唔清楚,呢D叫專業?
5.好啦,本身話要睇睇分泌物係點先再答我.之後佢就傳銷員咁上身咁,無啦啦又叫人做埋抹片檢查.本人已經多次強調係第一次睇婦科,暫無心理準備而且極度緊張害怕,所以唔做抹片.佢態度變到超串,又話幫唔到你,又話萬一係CANCER.想問下究竟你係唔係要搶錢到咁去恐嚇個病人.
6.醫生見本人咁緊張就提出一陣叫"男朋友"完程拖住你手.誰知上到床後,無啦啦又話要人除埋BRA,仲要我老公行開俾佢CHECK.話我老公阻住佢.我老公已經多次強調不用檢查乳房,呢位醫生都硬係要我老公走開.真係令我好嬲.請問我而家係陰道痕,關個胸咩事.
7.之後全程話可能有小小痛,而我真的感到有點頂住痛時,所以緊閉眼睛,醫生竟然話我扮野,有無咁痛.
8.之後又傳銷員咁上身咁,無啦啦話做埋超星波.我真係想問咩事,打蛇隨棍上.當然我同老公都極度話無需要.所以無迫做到
9.之後落番床,醫生係完全無講過D分泌物係咩結論.止痕藥都無.仲好意思再傳銷員咁上身咁叫人打HPV.當然唔理佢.
仲係咁問我洗唔洗開D止經痛藥俾我.我當然話唔需要,我止痛藥大把,洗你開.結論到走都無正視過我痕既問題,止痕藥都無.不但無消除我既疑疑慮,仲有俾人搶錢既感覺.睇完醫生得不到答案,咁我洗鬼睇你.
之後既抹片檢查報告我都唔會信呢位醫生,完全俾唔到專業感我.仲係咁話我左右諗浪費佢時間.如果你咁無時間唔好學人睇病
大家如果覺得錢多想洗咁D,可以搵佢
簡評:
個人觀感- 診效不顯、收費不稱
經歷過程- 醫護之語調態度令人無所適從
推介意見- 本人絕對不會再作光顧