經歷詳述:
等緊要填d資料，大約半個鐘，好快就過。入房後，醫生聲線親切問診，（我無詳盡講出我點痛）照超聲波時，佢講得出個子宮肌瘤去到嗰度，平時會壓住……（其實我平時就係嗰度痛，佢講得中呀！）
做婦科檢查，我好緊張，醫生：仔仔出嚟做野未呀？咁叻仔呀………傾偈之餘，手勢+講解下一步流程。（講真佢無必要知我個仔d野，純粹令我分心而放鬆！）
要讚個姑娘，佢真係好細心～我瞓上床時，佢會幫我移個枕頭，問我挨得舒唔舒服，（我都幾麻煩，拉上拉落先啱位）另外又主動幫我老公搬櫈，其他幫我抹d gel，遞紙巾嗰啲都做足，溫柔嘅。
過程中，我問左好多低b問題（走之後老公話我，我先知），佢都一一講解，見我一臉茫然時，就用第二種講法，令我想像到，我明哂我身體內嘅情況，唔驚做手術。
最正係問佢拎埋“姜濤卡”！佢本身話無，我話：打子宮疫苗有得送，你叫姑娘出去問下啦，佢真係幫到手，我拎到4張，真係抵哂！！
診金+照超聲波+藥費+化驗=1900元
其實仲有好多可以分享，但打到好攰，講到e度先。



簡評:
個人觀感- 詳盡親切、耐心施診
經歷過程- 醫生會清晰明確的講解其病情
推介意見- 已視為本人的必然選擇