經歷詳述:
我由上年開始一宜體重下降，我食得好，訓得好。就係咁樣我先擔心自己,經屋企人介紹話不如睇李醫生啦。咁我自己諗體重趺做下BODY CHECK都係。咁去到睇首先姑娘幫我度血壓，之後醫生話我脈搏跳得好快。正常人應該唔會坐係到跳到100下以上。咁我唔明啦，但李醫生慢慢解釋比我聽，懷疑我有甲狀腺亢奮。我都唔知咩東東。咁李醫生好長氣同我解釋依個症咩黎，又比圖我睇，又形容似煲吠。
成個睇醫生過程好輕鬆好舒服，之後就抽血特別驗關於甲狀腺功能，番去睇報告再做個核子鏡，斷診左就原來要食甲狀腺藥。定期覆診驗血配藥。咁體重方面話依個症會影響人個體重。話我唔易吸收，教我點去食野，補充營養。

所以李醫生真係好好，求診過程非常認真，每次都係我發問問題到我明白為止先出房。唔會話好趕症，睇得好快就算。而且醫生話有報告會直接打比我，令我好放心。如果有咩唔舒服有病徵，記得要睇醫生。
簡評:
個人觀感- 健談友善、感覺良好
經歷過程- 醫護人員親切有禮的提供協助
推介意見- 值得向有需要人仕推介