經歷詳述:
2016年5月初 我就搵左羅醫生約左照心電圖，
佢就幫我book左去照...
我照完之後 因為工作太忙.....無時間拎
到左今日2016年8月2日先得閒拎...

我去到唔洗等.....
比左張卡門口個護士睇之後
我表明左 " 我係睇報告"
但護士個陣掛住傾電話.....
之後幫我登記左..等左5分鐘到
就叫我入去

我入到去...
我 : 我黎睇報告
羅醫生 : 今次係黎睇咩嫁?
我 : 我只係睇報告...無其他
羅醫生 : 靜係睇報告? (態度即刻180度改變)
我 : 係 (我隻手接左份報告之後)
羅醫生 : 咁你走

到我打算出去個時...
羅醫生就大叫出面個位護士
就話: 原來佢唔係睇醫生....係拎報告嫁渣
我出到去大堂....
護士就問我 : 下? 你唔係睇醫生?
我: 我黎拎返之前5月份報告 ...份報告都無事 睇咩醫生?
佢話: 我諗住你會再叫醫生檢查
之後我就走左...我連卡都拋左....唔會再去睇 !


我當時真係呆左....點解會有醫生咁既態度?
一定要有病先可以黎拎?
我之前照既時候都有比錢你喇...
洗唔洗咁既態度? 我係第一次睇醫生睇到咁....
我黎做完檢查....想知報告睇報告好正常姐?
點解要用d咁既態度對我呢?
要去呢到睇醫生既朋友....真係要三思


簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧