經歷詳述:
本人老公年初三因發燒又柯又嘔又搵唔到有醫生睇，咁啱呢間診所有開所以去睇，我同老公一入去我老公就講病証，但醫生佢無留心聽，我地講完佢又問，之後我老公話自己本身有耳水不平衡，佢就滔滔不絕係咁話佢有D好靚嘅藥可以醫，我之後暫停佢話我想要求幫我老公打支針，因為佢好辛苦，佢竟然問返我想打咩針，我就話退燒或者止暈止嘔針啦，佢又好似唔想咁，之後又話開維他命B比我老公食，我話是但啦，佢就肯打針啦，咁攪惦晒我以為睇完啦，佢又走黎問我打左子宮頸針未喎仲比佢張自製嘅傳單比我，我話我打左啦，佢又問我打幾錢，我話打左3000蚊，佢話佢呢度好平叫我有需要搵佢，跟住出返去諗諗下D維他命B無咩用，我就叫姑娘唔需要開比我啦，點知到比錢攞藥成520蚊，無比耳水不平衡藥同埋維他命B都計埋錢，我想問姑娘嘅時候姑娘黑晒面走返入去，新年我地預左貴嘅，所以算數唔想嘈，呢間診所我地一定唔會再去，D藥食左仲要無乜效，而家老公話打針嗰個位越來越痛，好擔心係打錯位置！
簡評:
個人觀感- 診效不顯、收費不稱
經歷過程- 只知取藥付費，未能盡釋疑慮
推介意見- 本人絕對不會再作光顧