經歷詳述:
因為之前找其他醫生除痔瘡手術(但粘膜切除過多)產生後遺症導致肛門狹窄而且覆診跟進得比較敷衍﹐但(肛門狹窄導致滲便成日好急但大便不通痛楚非常頻密)令我極之折騰而且訓又訓唔到行又行唔得耐﹐經朋友(一個法國醫院護士)介紹找了陳梅堂醫生做個second opinion, 本身已fullbooking 的陳醫生 經診所姑娘覆述居然親自致電﹐並安排即日應診。

因為呢個係一個唔常見甚致係罕見的症狀﹐陳醫生都好有耐性以及將此事跟其他資深醫生交流意見﹐作出一個非常好 plan A 及plan B的安排

因為都幾多手尾要跟而且在最初做切除痔瘡手術出現了後遺症﹐亦要再次進行手術﹐在治療其間我都有搵過另一位資深醫生做過意見﹐舉出同陳醫生大致相同的方法。

陳梅堂醫生非常有耐性﹐而且跟我及我家人解釋得好專業詳儘﹐同我做完第二次手術出院後都仲係復活節假日陳醫生都特地安排去醫院做個覆診﹐感覺佢將一個病人當作親朋對待及關心﹐真真正正了解病人需要。

雖然到今日仲未完完全全康復仲要覆診﹐但已經回復翻正常生活。本來想完全康復再係度詳述﹐但諗下覺得係醫緊的中途會比較令人信服﹐以及怕在日後會有細節遺漏。

非常感激陳醫生在醫療 、心靈及其他各方面的幫助。佢係我咁多年來遇過之中最好醫德既醫生。

但因為都好多人預約﹐未必準時會即時睇到﹐有機會要稍稍等候。
簡評:
個人觀感- 仁心仁術、醫德高尚
經歷過程- 醫生會清晰明確的講解其病情
推介意見- 不可多得，值得等待