經歷詳述:
因為懷疑自己有脊柱側彎加上右邊腰間中痛咗一個月
聽朋友介紹去左睇黃小姐
朋友個妹長短腳 腰有事 有針灸加電療
唔知點解我淨係得電療
.
去咗兩次
第一次 話我右邊腰背腫咗但係冇講清楚係咩腫
之後就送咗去做超聲波加電療過程大約十五分鐘
返返去醫師佢幫我 拉下個身 五分鐘搞掂
問佢係咪有脊柱側彎佢話有少少
叫我後日去覆診
.
第二次 去到嗰個黃小姐未到就即刻叫我去超聲波加電療
之後佢到咗 去見佢話我未消腫
又係幫我拉下個身跟住就話我有長短腳
我自己都有少少 感覺行路唔係幾平衡
話口未完就叫我聽日再嚟
.
事關覺得去咁密有啲奇怪
加上驚側彎嚴重 第二日去咗睇急症
又驗尿又驗血照埋x光
結果
條骨直過間尺！
.
然後我又好懷疑點解幫我醫嗰個叫小姐唔係叫醫生
https://www.chiro-council.org.hk/tc/content.php?page=reg_reg
上政府網一搵見唔到個小姐個名
（ 利申 我都只係大約記得佢叫黃敏X， 如果錯左 say sorry先）
.
以上係我個人分享
其實唔排除佢喺我照x光之前已經幫我拍反正條骨
但係點解佢仲叫我去覆多次診
佢都有提及起碼要去多兩三次
如果我腰背痛係因為肌肉發炎，去覆診定係頂多照下超聲波
或者係因為我同佢嘅溝通唔夠有誤會
但係佢都冇主動同我講發生咩事 點解痛
所有嘢佢畀嘅答案都係
坐得唔好
.
冇惡意純分享
簡評:
個人觀感- 有欠詳盡、耽誤病情
經歷過程- 只知取藥付費，未能盡釋疑慮
推介意見- 本人絕對不會再作光顧