經歷詳述:
10幾年前, 搬來紅磡, 兒子當時未夠一歲, 傷風感冒在所難免, 當時我見過幾位醫生, 每一位醫生睇完之後, 就一定有一句: 嗯, 你個仔塊面D濕疹都幾嚴重, 我開D藥膏俾你, 搽幾次, 好返就唔駛搽。 當然, 我也沒有反駁, 出門口就扔掉算了。當然, 我亦不會有帶個仔返去啦。

直至, 我遇上聶醫生, 一與以往, 先睇感冒, 但他就沒有評價「我個仔面上的濕疹」, 所以我就反問聶醫生:「你唔覺得我個仔塊面D濕疹嚴重咩?」(我要CONFESS, 我真係試梗佢）他的回應是:要是你想我開藥俾你個仔搽面, 你去睇過第個醫生啦, 一歲之前, BB面上的濕疹是因為賀爾蒙影響, 又沒有落水出來, 即是沒有發炎, 你忍下, 過了一歲自然會好。」 自此之後, 我一家也是睇呢位醫生.

至於D姑娘呢, 就真係唔好提喇, 真係「渣住雞毛當令箭」, 自問我都受佢地唔少氣, 不過我就是去看醫生, 不是去看姑娘, 依家醫生換了一批姑娘, 我也期望可以安排的好一些。


簡評:
個人觀感- 醫術精湛、鉅細無遺
經歷過程- 醫生會清晰明確的講解其病情
推介意見- 已視為本人的必然選擇