經歷詳述:
診金700,藥費另計（只收現金或EPS)
因受皮膚問題困擾 ，見張醫生都有好評，所以想試下。
同埋當初會簡張醫生，係因為係網上，大家推薦嘅皮膚科醫生啲預約都預到2022年1月或者係2021月嘅12月，張醫生係最快有期，同埋肯接新症。

睇完一次張醫生， 終於都明白， 點解咁多比人推薦嘅醫生 ，得佢一個有咁多期可以約到。

遇唔遇到一個有醫德嘅醫生， 真係好講緣份，自問無福氣俾張醫生認真對待及問診。

係問診嘅過程， 一啲肉眼可見嘅病徵，張醫生選擇視而不見，堅持要做佐化驗 ；等有結果佢再斷症。

化驗一次嘅價錢係1800至數千元不等
睇吓你懷疑自己有咩病 ，佢再建議你驗咩。

感覺上 ，張醫生係一個極專業嘅醫生，因為佢堅持要等你接受咗專業化驗所嘅檢測 ，先再同你睇症。

2021年，見一次張醫生收700蚊，成個過程唔洗5分鐘，得到嘅建議仲少過係Fb開post問網民意見。

5分鐘入面，講嘢嘅比例大概係有一至兩分鐘比你發表下病情，大約一分鐘多啲 ，醫生同你望下你覺得自己受感染嘅位置。之後嗰你再可以發表下，你自己擔心啲咩，最後嘅時間，就係醫生總結。

張醫生對於我呢一位唔合眼緣嘅病人表示：我咩都睇唔到，你覺得擔心就化驗，總之我就咁睇，我唔覺得你有問題，最準一定係去驗。

***真心推介一啲：有多餘錢，有多餘時間，個病唔急，唔想好返純粹去診所睇吓，見識吓咩叫睇醫生人夾人。***

如果大家符合以上條件，請立即致電張醫生預約

簡評:
個人觀感- 態度有失、醫德有損
經歷過程- 只知取藥付費，未能盡釋疑慮
推介意見- 可能人夾人緣自己衡量