經歷詳述:
因為張eps跌左，無哂現金，問左幾間得佢可以visa，但要五百先可以用，咁諗住叫佢開多兩日藥，
點知佢話:下？開多兩日藥都唔夠500啦！
我話:但真係無哂現金係到吖
佢:你一定要夠500吖？
我:咁你地要500先可用卡
佢話:咁我開埋抗生素俾你，你岀去等下！
最後530蚊，但我食完d藥，無退過燒，連退燒藥都退唔到燒，最後反而食兩粒必理痛退左一陣燒，第二晚去第二間診所，食第二間診所既藥都退到燒，到我個人燒完清醒返先醒起，其實要夠500先可以用visa都係因為卡個邊要收手續費姐，咁點解你唔直接叫我自己俾埋個手續費，咁我咪唔洗夾硬要咁多藥，仲要有幾隻藥我都唔需要食既，食到我反胃左一日完全食唔到野，個日燒到38.9度個人迷迷糊糊咁，如果530蚊係食得我好返既我唔怕俾，但又唔係，我幾個朋友一睇到我睇呢間已經即刻話:呢間d藥廢既睇過一次都無再睇！
如果個醫生有醫德就唔會咁，睇咁多個醫生問診最求其係呢間開藥求其又係呢間，真係下次病到暈我情願去急症都唔睇呢間！
簡評:
個人觀感- 診效不顯、收費不稱
經歷過程- 只知取藥付費，未能盡釋疑慮
推介意見- 本人絕對不會再作光顧