經歷詳述:
本人因嚴重口腔潰瘍, 導致左邊面及頭非常痛楚, 不能進食, 於是馬上到公司附近的診所求診, 本人是第一次睇顏清坡醫生及用公司醫療卡, 大約等待40分鐘後, 姑娘帶我入一間雜物房坐低, 房入面有好多雜物包括好多紙盒, 雪柜, 迷波爐等等, 跟住姑娘問我一些基本問題, 還問我睇咩病, 之後竟拿出一張咭, 上面畫左圖, 佢同我講用醫療卡, 醫生最後收到好少錢, 問我要不要額外加錢拎多些藥, 我回覆等見左醫生睇下病情再決定, 當時心中都覺得奇怪姑娘的問題, 過了一陣姑娘同醫生過來,醫生好快睇一睇我既口腔同探肺, 只係講左句口腔損左, 就出去入番自己醫生房. 而姑娘叫我出返去坐, 等了20分鐘到我拎藥, 姑娘只俾止痛藥及胃藥, 我問佢口腔潰瘍方面有咩藥給我醫治, 佢話我用醫療卡只可以俾這兩隻藥. 連我要求的醫生紙都沒有給我.

本人多次用公司醫療卡到其他診所睇病, 從來未遇過這樣缺德的醫生同姑娘, 只會睇錢, 完成唔專業, 竟然在雜物房同病人睇証. 我見到其他病人是入醫生房的. 如果不想睇醫療卡的病人為何要同保險公司合作! 簡直浪費病人既時間!
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧