經歷詳述:
一個遲黎既報告，希望可以嚮呢度答謝何醫生，同比其他受耳鼻喉困擾問題既病人作個參考。

我大約嚮一年前雙耳不斷發炎，之後更加有耳鳴既情況發生，已相繼睇過多個醫生，有d嚮呢度排名都唔低…
何醫生係我睇過之中解釋得最清楚既一位，佢唔似其他醫生會比你一種佢想賺你錢既感覺，試過有位醫生我睇耳仔佢問我鼻寒大唔大，大可以做手術…

而何醫生就真正會因應你既病情，去判斷你可能有既病，要做邊一種檢查，而且佢一再強調做唔做係你自己決定。

到最後我同醫生講之前有醫生發現我耳仔有霉菌，注入過一次藥膏但仍番發，佢立刻講出重點原來藥膏要塗持續塗多次再有效，嚮塗藥膏後我馬上就好了

至於耳鳴情況，因為我有吸煙習慣，何醫生也建議我做一做鼻咽內窺鏡檢查會否有其他惡症，不過選擇權係交哂比我，我都考慮左一段時間先做…最後檢查到無事，何醫生都有解釋到再進一步可以抽血去查找原因，但都有講明唔一定會搵到個主因出黎。。
最後我都有同佢講我可能會去先去睇中醫試試，佢亦都理解。而我耳鳴既情況已經得到好大改善。

講咁多，因為出面實在睇過好多專科私家醫生，對病人態度冷淡，拖症，郁d就叫病人做手術…耳仔痕發炎就幫你洗耳，就算你一年同佢睇左4,5次佢都係叫你洗耳算…更過份果d係無啦啦講其他野叫你做手術…

何醫生真正做到好似一位有專業知識既醫生朋友咁，比建議你，耐心聽你既問題，睇完何醫生之後每次都感覺到好放心同安心，無論新舊症，都非常建議大家去試試，不過要注意預約何醫生要預鬆多點時間，因為佢每一位病人都會盡力回答問題…所以需要多D時間睇症。
順帶一題，呢間既姑娘都非常盡責，打去book時間都好順利，如果預約左覆診佢地更會打電話提你，並唔係間間醫務所都可以做到呢樣野。
簡評:
個人觀感- 醫術精湛、鉅細無遺
經歷過程- 求診病人實在太多，等候需時
推介意見- 已視為本人的必然選擇