經歷詳述:
我家小兒5歲半，太約三個月之前發燒感冒，痊癒之後間中都有咳嗽，有時好轉幾天，有時又咳到氣喘。看過兩次黃醫生，都話感冒未清，給我止咳化痰藥水，沒有太大幫助。。。

同學仔媽咪介紹我去慈雲山睇鄺醫生。她說之前兩女兒傷風感冒，睇過鄺醫生幾次，都滿意。

第一次見鄺醫生，感覺細心。他仔細為我仔仔檢查，期間我留意到一點，他很認真"聽背脊"，仔仔乖乖配合醫生吸氣呼氣，之前睇其他醫生都"求求其其"，難得一見認真"聽背脊"的醫生。
鄺醫生話仔仔係"氣管敏感"，仲話開三日藥先，當中有特效敏感藥一定要食完，三日之後覆診。我未試過睇普通醫生叫我覆診呀。醫生話三日藥無可能一次醫得好，覆診看看食藥效果。
食左三日藥，仔仔的確咳少左，好轉了。我原本打算不需要覆診了，想不到中午一個陌生電話，原來係鄺醫生姑娘打電話提醒覆診。這個服務前所未有，驚喜!
既然收到電話提示，就帶仔仔覆診吧。
鄺醫生先問我這幾天仔仔的情況，又認真"聽背脊"，佢話好好多了。今次再開四天藥，前後一星期療程，不需要覆診了。

感恩遇到好醫生!好姑娘!


簡評:
個人觀感- 詳盡親切、耐心施診
經歷過程- 醫生會主動探索其病因及治療
推介意見- 優質醫療服務理應如此