經歷詳述:
之前食野咬崩牙，工作太忙無時間處理，搞到大牙蛀左，面都腫埋，急急求診。去開果間無開，唯有搵間未睇過既。
入到去，照常登記，無咩問題。
等一陣就見醫生，入到去就我打左聲招呼“醫生”，佢就黑住面一開口就“坐”，“訓落d”，“訓低d”，語氣態度好無禮貌
隨便睇睇之後，用法官既語氣講，“你隻牙蛀左，好深。你有兩個選擇。一，我幫你消炎，二我幫完你消炎，照X光，再排期整”
我問最快可以幾時整，佢話book下啦，我無時間幫你整
頂，聽完佢d態度火都黎，跟住佢講，“而家幫你消左炎先，叫做頂住先，再比d藥你，收費係$980”
嘩我聽到火都黎，你咁既態度，咁既語氣，做個消炎話要咁既價錢？我即時話唔使啦我搵第二個。頂佢佢好似鬆左口氣咁。

所謂“專業人仕”，無禮貌，態度差，收費貴。所以佢由雅都被迫搬到後巷係有原因既。就算地球上面得返佢一個醫生，我寧願自己痛死自己脫都唔好搵佢。想找他醫的人，三思
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧