經歷詳述:
剝智慧齒，我相信很多人一聽到都會驚同諗起一個字“痛”！我又點會例外呢？

第一次睇洪醫生是一年前，只是洗牙，印象相當深刻，原因是一坐低檢查口腔，第一心句就係話我知我擦牙方法唔岩，立刻叫護士拎鏡放係我面前教我點擦同講解牙線，令我知道我從來沒有發現到既問題...相當欣賞！(我看過的牙醫只會提醒要年年洗牙，佢係第一個主動提醒我護牙知識！)

今次是找她幫我脫苦海“剝智慧齒”，見面睇片再睇睇口腔已經準確講清楚四隻既狀況，建議我如何做，有兩隻生既位置比較麻煩，所以四隻排先後來處理，今日只處理一隻有少少外露既，快手落麻醉，待藥力發再剝，前後都冇十分鐘，完成！手勢快而準，在我毫不察覺下已經“剝左嘞”， 心鬆了一口氣！

順帶一提係助護既安撫，令緊張既我稍稍冷靜！

下一隻智慧齒，我都會交托洪醫生！
簡評:
個人觀感- 醫術精湛、鉅細無遺
經歷過程- 醫生會清晰明確的講解其病情
推介意見- 已視為本人的必然選擇