經歷詳述:
因為internet有人盛讚許醫生，於是光顧，本想補牙及洗牙，檢查時很粗魯，覺得佢好似對住件死物咁，粗手粗腳嘅同時仲完全係發緊夢狀態，同佢講咗下排右手邊一隻補咗嘅大牙食軟糖會痛，佢完全接收唔到咁，分別兩次問，邊隻牙有事；食凍嘢赤係咪；之後佢check 完隻牙，話睇唔到有蛀，不如照x 光睇下，ok, 照啦，佢又問我要照邊隻牙？？？咁佢頭先係check 咗邊隻牙呢？咁短時間內問三次邊隻牙，佢係咪有失憶症呀？？？擺塊片入口照x 光嘅時候都係貫徹始終地粗魯，所以係痛啦同唔舒服，講嘢嗰陣晦氣，嗰句"咬實啦"，態度差到我以為我係咪殺咗佢全家呀？？？好喇戲肉係洗牙，佢一撩我啲牙肉就痛/赤到打冷震，忍咗一陣，真係忍唔到就叫停，話好痛，佢停咗手，但無講任何嘢，轉頭再試門牙，嘩！！！我終於明點解個同事話佢要
打麻醉針洗牙，原來可以咁難受，但係我往年喺其他牙醫度洗牙都無乜大問題，最多係某幾個位有小許唔舒服，就算補牙，度牙根都未試過咁恐怖，最後我都係頂唔順叫停，雖然佢都係嗰個晦氣樣，結果都無收我洗牙錢，淨係收x 光$70,總結係：無一是處，如果你想試下經典的睇牙醫恐怖體驗，佢絕對交到貨
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧