經歷詳述:

醫生態度十分之惡劣 婆婆本身洗牙 但醫生洗牙好慢 洗左成個鐘 洗到婆婆好辛苦 中間冇俾休息 搞到濁親 正常要較番張櫈起身 俾佢休息同埋俾氣管順番 但醫生只係停左手 由得佢訓係到係咁咳 佢仲另轉身禁電腦 完全冇理過病人感受 但婆婆仲一直咳緊 個樣好辛苦 等到醫生禁完電腦之後 先睇番婆婆點 之後又繼續洗 婆婆已經好攰

之後出去睇俾錢 俾醫療卷 點知姑娘技術錯誤 A4 print錯左A5 print唔番出黎 搞完一大輪電腦單變左手寫單 仲寫錯 要婆婆簽番名 因為想保障番 所以問姑娘可唔可以要個copy
但個醫生突然係附近大叫 話呢個係政府文件 唔可以 態度十分之差 都係問下 完全唔知發生咩事 佢仲唔俾人問問題 講緊既時候仲插入黎 唔俾出聲 又大大聲 一直强調自己冇錯 係姑娘錯 仲話自己夾係中間 成個對話無禮貌 大聲到出面走廊都聽到
之後仲有個姑娘返左黎 佢完全冇了解過發生咩事 都係一樣既態度 話問題已經解決左 解決左就得啦 冇理過客人感受 明白唔一定要有好好既CS 但問左一句可唔可以要個copy 唔得就算 但一黎就發惡 至於咩

醫生對客態度完全唔可以接受 完全唔覺得自己有問題 情緒咁易波動 睇牙都驚
大家睇牙要上網搵下先 呢個醫生都算多劣評 出面有更好既選擇

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧