經歷詳述:
因為智慧牙在兩星期前崩咗三份一，最初唔痛，跟住食親乜嘢食物掂到牙缺口即刻痛到流眼水標出嚟，而且仲會影響埋其他嘅牙都會痛，好慘好慘，但係以往睇開嗰個牙醫移咗民，雖然有朋友推介另一個，但係因為這個月已經約滿要等到新年後先至可以拔牙，後來經過鄰居介紹黃維醫生，鄰居本身都話佢係好好，好手勢好Nice，尤其拔智慧牙，好得👍雖然去到見診所有點簡陋，但係醫生好親切好為病人着想，因為我話掂一點都痛，佢話盡量用無痛方法去為你檢查, 掂👍, 而且我印象中我都剝過智慧牙係要照X-Ray，但係黃維醫生話唔需要做X-Ray已經可以幫我拔，最終醫生真係好掂又唔痛，而且冇整損我個口角添（因為之前嗰個醫生係整損咗我口角，牙骹都痛埋，因為拔咗都幾耐，確係有啲心理陰影），而且佢收費一啲都唔貴，一個鐘頭後已經可以食嘢，我會繼續推薦呢個醫生俾其他朋友🥰👍very nice

簡評:
個人觀感- 仁心仁術、醫德高尚
經歷過程- 醫生會從病人出發去提供意見
推介意見- 已視為本人的必然選擇