經歷詳述:
帶兩位老人家喺呢個醫生度用關愛基金做每人一副假牙,
起初唔知搵邊個醫生好就係附近搵個年紀比較年長，諗住經驗豐富,點知原來每一次都唔係呢位魯國英醫生診症,而係交俾另一位女醫生,而這位女醫生態度非常差劣，每次都只顧住吹水，手勢非常粗劣，兩位老人家做左假牙出嚟都唔啱，一副鬆到自己跌落嚟咁滯，一副就帶唔入，問佢有冇得整，佢就同你講係咁㗎啦冇得搞㗎啦，你用關愛基金唔使錢嘅係咁上下㗎啦，嘩你醫生嚟㗎喎講啲咁嘅嘢！咩牙醫嚟㗎？
去到等兩三個鐘先至有得做都算啦，仲要求求其其，個牙模整得唔好就梗係唔啱位㗎啦，之後一定要修正，牙模整得唔好係你嘅問題呀嘛，同你講話要修整，你就話係咁㗎啦，唔係咁呀，雖然唔係我俾係關愛基金比，咁你有收錢㗎嘛，萬四一副，態度非常惡劣，另外一副就帶唔入，就夾硬帶入去，令到老人家牙肉受損痛到食唔到嘢，想點啊！
而家就夾硬叫兩位老人家攞咗返去試兩個星期，一副緊到帶唔入，一副就鬆泡泡，都唔啱點用呀！
唉！

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧