經歷詳述:
我最近去照過大腸鏡，他是我3年前睇過的醫生，今次他話我患有潰瘍性結腸炎，情況仲幾嚴重，話要食幾個月葯同再要照多次腸鏡等等，但我覺得自己冇咩異樣，只是大便偶然有便血，於是我上網看看有否其它醫生可以再核實多一次，在網上我見到吳醫生的評語相當唔錯，於是約咗今日去睇，我將該醫生報告，化驗報告及相片交給吳醫生看，並把我之前病歷講給他知，他看後好肯定話我知我沒有患結腸炎，亦無須要食該醫生開的葯及肛塞，他詳細解釋我知個中情況，令我對該病十分清楚，佢仲唔收我診金，話我根本沒有事，只是叫我一個月後返來幫我檢查吓我肛門便可，試問現今社會還有咁有醫德的醫生嗎？我已決定以後轉睇吳醫生，我百分之一百推介給其它人。
簡評:
個人觀感- 判症快捷、合情合理
經歷過程- 醫生會清晰明確的講解其病情
推介意見- 值得向有需要人仕推介