經歷詳述:
之前一直睇開另一個婦產科醫生，
但因為照結構嘅時候發現有宮頸短嘅問題，
所以需要搵專門處理宮頸方面嘅孫醫生。

首先，等候時間的確好長，
平日等兩個鐘左右；星期六等三個鐘左右，
基本上叫到入房都要等半個鐘至九個字。

其次，孫醫生有自己嘅程序同做法，
佢唔會逐個步驟講解/解釋，
亦唔會刻意照BB個樣俾你睇。
但你要求到，佢唔情願都會照做嘅。

但宮頸方面，佢的確係能手，
雖然價錢貴但有佢keep mon住會放心好多。

如果陀B一切正常順利嘅唔建議睇孫醫生，
因為價錢順等得耐，佢嘅著眼點會有啲唔同。
但假如係奇難雜症，不妨一試。


簡評:
個人觀感- 醫術精湛、鉅細無遺
經歷過程- 診証時間極其急趕，快來快去
推介意見- 值得向有需要人仕推介