經歷詳述:
原本老公介意孫醫生曾經捲入性騷擾案，但係因為我地本身睇同一診所另一位醫生，所以我貪方便揾佢照結構。

照結構當日，我地按預約時間到達診所，等左兩個幾鐘都仲未有得睇，就問姑娘「點解要等咁耐？如果唔係有緊急手術的話，啲時間安排得好差喎」。姑娘話人多就係要等，前面啲cases 仲做緊，果時我夠鐘要送大女返學，就同姑娘約好下午再返去睇。

然後戲肉就黎啦，有個客戶服務主任打俾我地話對於頭先要等咁耐表示唔好意思，問我地係咪一陣返去睇，我哋話係。

下午返到診所，個客戶服務主任就面對面同我地講「而家孫醫生覺得同病人之間冇左信任，唔幫我地睇症照結構啦」。我同老公都好錯愕，我地成個月前約好期，同公司請左假，按預約時間到診所，中途又頻撲一輪再返到診所，醫生先透過客服同我地講而家唔想幫我照。

成件事俾我嘅觀感就相當差，大住個肚腰酸背痛，等了又等，然後臨門醫生話唔想睇，要臨急臨忙走去睇第二個醫生。

事後同朋友呻，佢話未嘗唔係好事，孫醫生趕時間的話，10分鐘就照完結構。

網上面有好多佢好評同負評, 好評有幾多係打手好難講, 負評就....爬下文會發現呢個醫生對於負評出過好多次律師信...


簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧