經歷詳述:
因為身邊的人都說他好，但難預約，所以早上診所一開門8:30就預約看醫生，姑娘說要11:20才有得看，我準時去到，當時有3-4個小朋友在等，姑娘來探熱，當時我仔39.1度(16M)，我足足等到12:30，一個鐘有多才到我，其間我仔個額頭越來越熱，我請姑娘再探下，她很串很不耐煩的說「等陣先好冇」，隔了10幾分鐘才出來同他探，他已燒到39.8度，仍然要等多幾個字才到我，其間有些未見過的人(似係熟客)都入了醫生房，點解我們預約左的人仲要咁高燒都可以插隊...？
等左個幾鐘終於到我，看完說他支氣管炎，等攞藥埋單又等了幾個字，盛為$980(其中包括$280流感測試)，到一行出診所，我仔就抽筋了，因為太高燒了，等太耐，我又走返入去同醫生講，醫生立即同他塞肛，幫我們call白車，再收多我$100，心諗有冇攪錯，頭先他咁高燒又唔塞？一早塞左他可能唔會咁樣，又等得耐，拖延病情，仲好意思再收錢？
最最最嬲嘅去到醫院做了所有的檢查發展他唔係支氣管炎，肺好清，無喘氣，只係普通感冒引起的發燒。
竟然有人會為了賺錢亂咁up，姑娘非常不專業，要個發梗高燒的BB等咁耐，我不是要你立即看我，但請準時一點好不好？這樣絕對會拖延病情的！我唔會再幫襯。
簡評:
個人觀感- 態度有失、醫德有損
經歷過程- 求診病人實在太多，等候需時
推介意見- 本人絕對不會再作光顧