經歷詳述:
家中老人需要接種疫苗，所以選擇就近一間診所方便步程可達，第一針疫苗於二月中打，本人有時間可以陪伴去，一切順利進行準時完成，但於三月中打第二針的時候，本人工作未能陪伴，於是家人自己去，但換來以下經歷：首先家人9:15到達準備，並入去交出身分證等待，原本約9:30打針，但等到9:40仍未到（因打第一針時間非常準時），於是向姑娘查詢，得來的回覆「你而家等咗好耐咩？」於是家人再耐心等候，直至到睇病的病人一個一個入去⋯最後到10:05入房打針，醫生連招呼家人坐低嘅時間都冇，直接企喺度就打咗第二針（上次有坐低量咗血壓先打針），家人已感覺為什麼跟上次流程差咁遠⋯到出去休息的時候，家人閉目養神，可能錯過了姑娘叫名交還身份證，對方立時將身份證及有關資料大力拍於枱上令家人頓時醒一醒，家人立即取回身份證就走，不敢留喺度休息了！


簡評:
個人觀感- 態度有失、醫德有損
經歷過程- 診証時間極其急趕，快來快去
推介意見- 本人絕對不會再作光顧