經歷詳述:
平安夜果晚開始有幾聲咳，都未為意有幾大鑊。到聖誕節果日一早起身就發高燒，撞正假期冇醫生睇又唔想排急症室，諗住咁大個人平時發燒都係食一兩粒panadol就好，點知食完全日都唔退燒。第二日起身成個喉嚨都腫哂，咁大個人都未試過腫得咁嚴重。由於當日都仲係公眾假期，我醒目上網搵下，原來呢位陳自適醫生係絕無僅有在聖誕都仲開門睇病既醫生，我就即刻一早衝落去睇。點知話就話10點鐘開門，醫生就11:30先蒲頭，最尾等到12:30先有得睇。都算啦，我問佢話我從來未試過感冒咁嚴重會唔會係流感，點知陳醫生就串我話「D病人好鐘意幫自己斷症但係又唔準」（其實我當年大學讀science，雖然唔係醫科但都有少少呢方面既sense，加上上網查過自己symptoms亦都同流感好吻合）。跟住睇完，佢話可能都係有少少過濾性病毒之類感染到呼吸道，唔係太似流感，開D輕微既藥就得，俾左3日藥我，叫我食完都唔得先覆診。跟住過左一日半，D燒曾經由39度跌返落38度之後又標過上去，27號晚終於頂唔順未食哂D藥就走去急症室睇。結果確診中招乙型流感，醫院醫生仲話個感染已經搞到有少少病血症既徵狀，好彩未有肺炎，不過都要留院幾日先出得返黎。其實一個正常健康成年人好少會高燒足一日而且食完退燒藥都完全唔退燒，加上我睇陳醫生既時候都已經講明未試過咁嚴重既感冒，就算醫生唔肯定係咪流感，起碼都唔好開D廢藥（本來我未睇之前，其實期望過佢如果話係流感會開特敏福），真係俾佢激死！如果我聽佢講食哂佢d藥先再睇，個病情再拖多一兩日，真係分分鐘命仔都冇。真係千其唔好睇陳自適醫生，隨時搞出人命！
簡評:
個人觀感- 有欠詳盡、耽誤病情
經歷過程- 醫護之語調態度令人無所適從
推介意見- 本人絕對不會再作光顧