經歷詳述:
我兩歲的女兒上星期六(4月9日)在沙田某百貨兒童部行街時，意外向前仆倒在地，一起身成口血噴出來，我見她手腳似乎無事，估計是撞傷牙肉，但又怕她有無傷了其他部位，於是立即帶女兒去到希爾頓中心三樓的康健綜合醫務中心，想先聽聽醫生意見。
點知去到診所，姑娘聽到是小童跌倒，話問問醫生，即方國華醫生睇不睇(會揀症睇的？)，問撞親邊度（我估是牙肉，但我來就是想醫生評估呀！）又問我claim不claim保險(有幾重要？睇左我個女先可以嗎！）。過一陣姑娘就話，方醫生唔睇，因為是頸以上部位（咁頭痛睇不睇？），叫我地帶阿女去看急症。我真是嬲到震！我沒有想到我最需要醫生協助時，他會拒我於門外！

女兒最後去仁安看了門診，醫生話只是牙肉爆開了，會自己痊癒。

方醫生醫術如何我沒有意見，但作為兒科專科，對一個受傷的兩歲小兒拒於門外，我真的無法認同和接受。



簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧