經歷詳述:
無醫德醫生!! 用醫療卡既話, 千其唔好睇佢!!
本人今年9月尾 右眼一訓醒就感到刺痛,不停流眼水, 過後視力膜糊,
但因為眼科專科診金昂貴, 等到10月中 情況仍然無改善,
最後透過醫療卡加轉介信 去何思遠醫生應診,
但入到去, 醫生聽完我情況後, 普通叫我遮住眼 讀下數字後 ,
只係用儀器望一望30秒就話我無事, 當我問佢咩原因令到右眼視力膜糊時,
醫生(態度好差)咁答我 :
而家答你唔到 , 唔覺你視力有問題, 下次發生當天先過黎我診所 ,到時先再話你知隻眼咩事!!
之後叫我走得., 我當然唔接受呢個答覆 ,因為我本身無近視,視力有無變差自己好清楚!!
所以即時同佢理論, 佢好不屑咁同護士對望, 個樣我仲好記得 , 好討厭真係!
之後醫生就好唔願意咁用部機睇下我會唔會有近視 , 最後話無, 就叫我走!!
咁我就俾左 $80醫療卡費加拎左支眼藥水,
我依足佢指示每日滴 ,但到而家10月尾 仍無改善,
因為情況愈來愈差, 唔想再去普通科睇完再問醫生拎轉介信去睇專科,
所以決定黎緊預約去眼科中心驗眼 !
因為本人曾經有用過 $8XX 去其他眼科睇過 , 好專業 好詳細 !!
但因為醫療卡無之前睇個間診所,而網絡醫生有何醫生再加上網見到對佢有多好評先選擇佢!!
但經過今次後, 我好懷疑何醫生既醫術能力,
究竟係唔識去醫病人定見錢先去醫!!??
俾$80就求其敷衍病人,其他人俾幾百蚊先詳細幫人檢察!!

簡評:
個人觀感- 態度有失、醫德有損
經歷過程- 只知取藥付費，未能盡釋疑慮
推介意見- 本人絕對不會再作光顧