經歷詳述:
見到有用醫療卡的人都有不愉快經驗, 我本人睇左徐醫生一年多, 當初都係因為佢係醫療卡網絡醫生. 第一次我無用卡, 會配埋藥畀你. 第二次開始我用返醫療卡 (因為真係太貴, 保險又claim唔足), 就寫紙我出去配藥.

至於態度, 醫生同姑娘都唔可以話好親切, 姑娘本身語氣就係咁, 佢對熟的病人會FD的.
我亦都有聽到佢同病人傾電話, 關心佢近況(似乎係老人家).

醫生唔會解釋好多, 可能因為我只係普通症, 但開0既藥係有用, 好快已經幫我降低血壓, 亦都無咩負作用.

我覺得正正常常啦~有預約基本上都唔駛點等, 醫生有事忙, 姑娘都會打黎通知要改期.
有次改左兩次期, 姑娘都有問我仲有無藥食, 叫醫生寫定紙畀我去配多少少藥食住先.

預約亦都唔太難, 我通常一星期前預約.
不過之後會轉工, 應該都會轉埋保險公司, 所以都未必會再睇徐醫生.

簡評:
個人觀感- 判症快捷、合情合理
經歷過程- 診証時間極其急趕，快來快去
推介意見- 總體來說已算合格