經歷詳述:
小兒三歲未夠，高燒求醫，因為病緊精神狀態唔好心情唔好，表現唔算合作，當需要照鼻孔同口時大喊，護士有幫忙扶住頭仔都照唔到，一迅間醫生將雪條棒放入阿仔口中，差啲反胃，醫生係咪應該溫柔啲呢？仔仔反抗扭黎扭去，我好懷疑究竟佢睇到啲咩。仔仔大喊，醫生係完全無動於衷，毫無愛心咁講咗句「我唔同你鬥大聲，你喊完先」，我心諗你無愛心無耐性就唔好做兒科。唔係貪心你果一粒兩粒糖又或者係一張半張貼紙，只不過醫生一個小動作就可以放低小朋友嘅戒心，成個診斷過程會順利好多。枱面一大叠貼紙比一張氹下小朋友，等佢唔洗喊得咁慘都無。反而响探熱處，仔仔唔肯磅重係都要我抱住，護士都會比張貼紙獎勵一下，仔仔即刻唔喊仲肯落地，何樂而不為呢。
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧