經歷詳述:
到此看病全因普通科醫生介紹，其後上網睇過留言評價，十個有八個都鬧。我本著叻的醫生通常係寸d試下。點知真係中招。

我睇左3日完全冇好到。都算，始終唔係神醫，唔一定好的，講返睇的經過。

約左4點3, 我4點3準時到，等得黎登記，4點5, 本身想去厠所，姑娘唔俾話有可能要照超聲波，好，我忍下，4點7問下仲有幾耐到，佢話15分鐘，ok我等多陣。結果5點3先有得睇，醫生冇講過要照超聲波，提都冇提過。姑娘係未知我咩病亦唔係大肚，就覺得我要忍尿一個鐘？人道嗎？

最激氣都未算呢d. 醫生係一定有經驗既，係濶太咁樣，可能我又男仔頭，佢只係會問我有冇性行為，我話冇，佢係不停質疑我，話親密d都冇？下，我黎睇醫生，想醫好，有必要講大話咩!? 然後佢話俾d葯膏我，我問係咪冇葯食？佢可能覺得我冒犯左佢，佢話“咁你黎睇，係期望d乜？“ what? 黎睇就梗係想好返啦。然後佢問我要不要轉介我去社會衛生科？我心諗，what? 點解？我似冇錢睇醫生？定我有咩問題？我只答唔使。

一般人，睇醫生都好有禮貌，因為尊重醫生professional, 亦係想佢幫自己。呢位正東醫生，確實係寸得黎，唔尊重自己，冇醫德，冇同理心，跟佢既姑娘亦是。其實好醫生，姑娘唔會太衰，反之亦然。

一個葯膏，一樽消毒葯水 收700 唔係貴，係睇你唔好，浪費時間，你想俾人寸下，可以去既。做好心理準備，上網睇下人點講。
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧