經歷詳述:
痴線, 全香港唔係得佢一個識睇婦科!!!d姑娘冇禮貌都算, 當佢地做個診所姑娘冇醫德
早2日去睇婦科(因有流血), 約左12:15要等都正常, 因為可能前面有客人遲到, 一等等到13:30.
入到去同佢講情況我都預左要做超聲波, 之後佢話出去等等轉頭做超聲波同柏氏.
等左幾個字入到去做完呢2樣就去番診室講解, 串到一d都唔覺得佢有醫德, 完全睇唔起人!!!
1) 佢話3個月要再番黎check, 我就問佢係急到要3個月內一定要做多次定係夠3個月之後做都得, 佢答我"我唔明你問咩喎, 聽日又係叫3個月內, 1年之後又係叫3個月之後" 當下心諗洗唔洗咁講野, 你淨係答我冇咁急, 到期3個月之後就可約一日黎check都得嫁姐.
2) 佢話要番黎check多次, 我就問佢如果check多次可唔可以入醫院check, 因為其實我保險經紀都suggest我今日去醫院check有得claim, 但我諗住如果check一次就得咁算啦唔claim, 因為如果touch wood做手術的話, 之前既診金都有得claim. 咁佢移家話要check 第2次咪問下佢可唔可以入醫做, 其實個經紀叫我問果陣, 我都淆淆地廢事要求多多, 但個經紀話病人有權咁做, 同埋一般request左d醫生都會明白, 肯去, 如果唔係我買醫保黎做咩. 以下係對話:
佢: 我唔明喎, 你想入醫check d咩呀
我: (當下我都o左, 唔通係我問錯) 下, 咪你話第2次需要check既野變左係醫院囉
佢: 我先小人話你聽, 我係醫生, 唔係做保險, 唔係一定間間保險公司都有得claim, 如果保險公司問到點解你診所有得做, 要去醫院咁我點答. 你係診所check 都唔係貴千令2千蚊攪點, 到時入院check左claim唔到果到成7-8千蚊.
我: 姐係我可以簡去醫院做啦, 咁我再打黎book時間
佢: 你之後再打黎book時間呢, 我地姑娘唔會再打比你re-cfm個booking嫁, 如果移家book埋先話打比你re-cfm
我: 好呀 唔該晒 就出左門口
嬲到, 你理得我claim唔claim到姐, 移家我有權要求去醫院check, 如果你係單純懶得去醫院check而要咁樣睇唔起人既, 你大可以型d答我唔係好嚴重既case你唔會去醫院幫病人check, 咁我都冇咁嬲, 仲覺得你有性格可能會照睇/直接搵第2個醫生囉.
睇佢真係好bad feeling, 大家都係女人, 黎得睇醫生都係需要求助, 希望搵個值得信任同溝通到, 比到專業意見既醫生睇.
但係佢d對話同態度真係仲低賤過冇學歷既人. 我嬲到連下一次既覆診都唔會搵佢做, 寧願搵過第2個醫生都好過佢!!!
希望大家三思!!!!!

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧