經歷詳述:
未曾遇過如此無愛心、無醫德之垃圾醫生!
首先，小兒只是16個多月的嬰兒，因佢JJ仔發炎，又紅又腫，見醫生既時候個醫生無主動同阿B say hi、無問好、無叫佢個名都唔緊要，就要求我除左阿B條褲仔，咁BB仔當然驚喇，係咁喊、係咁踢，結果要2個姑娘幫手。好快檢查完，話要食抗生素。跟住我就同佢講﹕阿B唔多肯食野，已經維持左成個月，愈來愈輕。個醫生就話幫佢磅重睇下。磅完我就問﹕會唔會係出牙仔，同埋佢出完中間果8粒牙仔，到而家都未出大牙，可唔可以幫我check下?點知，佢答我﹕牙仔唔使驚，佢一定會出，食野既話好多BB都唔肯食，你上網搵下，我反問，上網?佢都仲答我﹕係呀，你求其search下都搵到既喇。我果一刻O晒咀，我明明帶個仔黎睇醫生，點知個醫生叫我上網搵解決方法，咩醫生黎架，垃圾!跟住個醫生話阿B係過輕，重多1kg就好好多，鬼唔知阿媽係女人呀，我果頭先同你講阿B唔肯食野，而你又唔識答我，呢頭同我講要重多1kg，真係難聽過粗口。跟住個醫生又話阿B難教，呢個階段既BB唔應該咁扭計，唔好縱壞左。咩料呀，阿醫生，你係味唔記得由幾時開始疫情呀?你知唔知我個B平時接觸過幾多人、你知唔知佢出過幾多次街呀?將心比己呀，你咁樣俾人舞法，你驚唔驚，你吵唔吵、你喊唔喊呀?
同埋，我明明帶阿B睇醫生，係睇呀，阿B就係你面前，點解你唔做多一步呢?醫者父母心呀，難怪劣評如潮，我真係好後悔帶阿B睇佢!!!!!!!!!
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧