家人精神病發, 可以點

媽媽年前有精神病, 曾入住葵涌醫院, 當時醫生話佢屬於精神分裂(有幻聽, 失眠, 不自控地吹口哨, 話自己係精/觀音,有人害屋企, predict future, etc)
在院食藥打針後, 出院後都冇事(有繼續食藥, 覆診), 但時間過去, 佢自己停藥(話食咗藥冇力, 冇精神)。現在又開始話自己係神, 有遇知能力….
最衰就係, 有D親戚/媽媽自己的朋友話都佢冇病, 因為大陸好多人都係咁(以為自己有遇知能力), 搞到佢唔覺自己有問題, 唔聽屋企人講, 完全拒絶食藥..
我地屋企人唔知點算, 唔通要捉佢返入院?
本身佢呢個CASE已經有社工跟進, 但係社工唔會日日嚟, 而且媽媽成日話人地年紀輕, 未見過(唔識嘢), EVEN佢都係咁話D醫生
到底我地可以點做呢?

張力智醫生回覆:
2/21/2014

Dear hahabobo

聽你媽媽的情況，我非常之擔心。

首先，應該盡快安排她接受精神科醫生的評估，若果真的患上精神分裂症，最重要的治療是調節大腦多巴胺的藥物。

可是，許多患上精神分裂症的病人，在病發的期間都不會意識到自己患病，所以在這個情況下，若能有她信任的人，或是具有非常好的溝通能力的醫護人員，可能能夠引導她為自己的健康選擇最好的治療。

若果情況出現危機，影響患者自己或是別人的安全，就應該考慮使用緊急的醫療服務，在特殊的情況下，醫護人員可能考慮運用精神健康條例，讓病人入院接受評估及治療。

張力智醫生回覆

以上資料只供參考，不能作診症用途，
請與家庭醫生查詢並作出適合治療。
如有身體不適請即求診，切勿延誤治療。
若資料有所漏誤，本網及相關資料提供者恕不負責。