經歷詳述:
好少寫評語，但是真的想分享給有需要睇皮膚的朋友。
本身已經睇過好多皮膚科
突然起好多暗瘡，真係冇晒自信，
已經洗了好多錢，買了好多產品，本身都冇抱咩希望，諗住試下睇屈醫生，純粹網上見到好評，而地點在旺角，應該價錢較親民。
先預約了，去到真係要等一陣，姑娘都好有禮貌，有問必答，到我睇時行入診症室，屈醫生已經企係到迎接我，好溫柔甘同我打招呼，真係好少醫生無架子，然後好有耐性咁聽我既問題，知到我好灰心，不過冇硬sell我買產品，反而有sample既就比sample 我，好鐘意佢地既產品唔多，唔似得出面其他醫生診所或醫美甘，一買買一大堆，又貴分分中唔岩用，我就係甘，屋企一大堆但皮膚冇好過，最後總結，呢兩個月退晒啲粒粒，當然個過程有啲藥膏唔太岩用，每次醫生都會幫我觀察同轉藥膏或產品，最後都算選得岩護膚產品，之前睇其他醫生啲產品，又油，塗上面又唔舒服，點用呀。。但其他醫生會堅持自己個套，要你用。。但屈醫生會了解我皮膚質地，鐘意咩質地既用品，再比建議。總點係，冇出暗瘡了，只係淨番啲印，呢家用退印藥膏，不過慢，始終我希望藥膏都是溫和一些，早兩日天氣轉凍，番去覆診，屈醫生一如以往都是企係到迎接你，重比左啲sample我番去試，因為每次覆診都要另加診金，所以我多數係去配番一啲用完既產品，好感恩，遇到好醫生，即使未必完全唔再番發，但醫生態度，真的好值得推介。
簡評:
個人觀感- 健談友善、感覺良好
經歷過程- 醫生會從病人出發去提供意見
推介意見- 值得向有需要人仕推介