係咪看精神科？

病患者女 - 21歲

Hi醫生

由2020年7月開始有心跳快，佢係頸個到跳動，跳一段時間就冇野。每隔幾個月黎一次心跳快

2021年1月有幾日暈，冇力，血糖低，心跳快，噁心感，吞口水，訓教喉嚨有野上黎，胃口下降，腸敏感便秘肚瀉交替，體重下降，肚脹，放屁，腸鳴，腸咕嚕叫，排便緊張,胃動力不足

試過2次心跳200，手腳麻入院，一次話上心房跳得快，一次話心跳跳得快，心臟科醫生看心臟結構正常，24小時心電圖正常，胃鏡少少發炎，腸鏡痔瘡同腸敏感。

中新冠個陣都有胃酸刺熱，心跳快，呼吸困難好似氣促，全身緊繃，全身緊張，坐立不安，心電圖 x光正常

2022年11月早上起床，肚扁，肚脹，行路冇力，心跳快發作幾日，全身緊繃，全身緊張，手腳麻，心口啫住，心口壓住，心口悶悶，心口砰一下，腸胃啲血向上衝，緊張個陣血液流動發熱，照心電圖正常。

今年症狀嚴重左，發作變得頻繁，試過一日24小時都緊張，行街心跳快，腸胃發冷，由朝到黑打嗝，脹氣嚴重，胃口時好時壞。玩手機同看片都全身冇啦啦緊張，視力好似加左一層，唔集中。有兩次耳鳴，心口成日唔舒服，氣血唔夠同氣短。行樓梯成日緊張，會留意自己呼吸。有時口水分泌好多，會留意口水。有時覺得自己缺氧。冇啦啦胃酸分泌好多，一緊張胃酸就刺激腸胃。試過由醫院番屋企，心口個到收縮咁。有兩次行街覺得隻腳啲血向上衝，腸胃好多氣，停低覺得隻腳放鬆左，個人冇力咁行下停下咁行番屋企。近排心跳快完會覺得腰痛頸痛。前日覺得個腸胃好累好沉重咁，食野中間肚仔痛。有時覺得肚仔左右隱隱痛，有刺痛既感覺，有脹痛，個腸胃feel到好亂。手腳同肚仔同心口都有肌肉跳動。個人成日覺得好累冇精神。自己本身都有低血壓，手腳冰冷，經痛，失眠既問題。有時候會想嗜睡，出曬手汗腳汗。

想問仲洗唔洗做檢查？（例如再做腸胃鏡，全腹部CT)

梁婉珊醫生回覆:
4/26/2023

你好，謝謝你的查詢。

明白你因為身體狀態而感到擔憂及焦慮，因此選擇求助，並能夠把資料清晰地列出來，值得鼓勵！

從２０２０年開始便出現心跳加快的情況。其後，更有噁心、呼吸困難、全身緊繃、緊張、坐立不安、心口悶、手腳麻痺和失眠等症狀，以上症狀有很大機會是焦慮症引發的身體反應。焦慮症會影響自律神經的運作，從而引致腸胃功能失調的問題。

根據你提供的資訊，曾經入院完成了一系列的身體檢查，包括照２４小時心電圖，心臟結構檢查和腸鏡，檢查結果一切正常。於這2至3年期間，以上的症狀持續出現，而且情況逐漸加劇，直至今年情況比以往更嚴重。假若影響到日常生活，便需要考慮及早尋求專業精神科醫生協助，作一個詳細的臨床評估是否患上焦慮症，常見的焦慮症包括廣泛焦慮症，廣場恐懼症，驚恐症等等，醫生亦會為你分析患上屬於哪種焦慮症。

若然下次再次出現緊張丶呼吸困難、手腳麻痺等症狀，可以嘗試保持鎮定，告訴自己，其實你的身體沒有出現問題，並將注意力集中在你的呼吸之上。慢慢呼吸，可於呼氣時默數 1、2、3、4，吸氣時默數1、2、3、4，如此重複，讓呼吸速度減慢直至恢復正常，這個方法可幫助舒緩因過分擔憂引起的不適感。

其實焦慮症是頗為常見的，透過調節血清素，維持於平衡狀態，妥善處理之後，大多數患者都能獲得改善。而血清素亦不會導致上癮，所以無須太擔心。

此外，亦可嘗試尋求臨床心理學家，主要是運用心理學原理為患者作出臨床評估及提供心理治療，從而減輕患者的精神及情緒困擾，甚至幫助病人拆解背後原因及解開心結，使病人學懂如何處理情緒，與精神科醫生不同之處就是他們不能為病人處方藥物。一般常用的方法包括認知行為治療、正向心理學、正念療法等等。

在此希望你保持積極心態。

祝早日康復
梁醫生

以上資料只供參考，不能作診症用途，
請與家庭醫生查詢並作出適合治療。
如有身體不適請即求診，切勿延誤治療。
若資料有所漏誤，本網及相關資料提供者恕不負責。