患者Elisa（化名），為醫護研習室分享她的個案經驗，原文輯錄如下：

我的故事有點長，只想同大家講，身體有唔妥，要早點睇醫生，越拖得耐，越難醫。

我的腰痛問題由2005年（10年前）開始，我自己非常清楚患病原因，每天穿著高踭鞋見客開會，回家後又會抱下兩個小朋友，日積月累勞損，那時事業家庭兩忙，腰痛沒有特別處理，只係放假去做按摩輕鬆下。

2010年，有一日起身，腰痛到落唔到床，我先生call白車送了我去急症室，打了止痛針後出院。我先生之後迫我去睇骨科醫生，照左磁力共震，報告顯示腰椎L4、L5椎間盤及L5、S1椎間盤突出，突出大概2.5mm。醫生提議做物理治療，最初我有聽話去做的，後來腰好似唔係咁痛，加上我又懶，做左10次8次便沒去了。

2013年6月，我的腰又再痛了。斷斷續續做左半年物理治療，没有好轉，仲開始左腳腳痺。之後同事介紹我去一間伸展運動中心，嘗試透過伸展運動增加肌肉耐力及放鬆肌肉，做左20堂。係肌肉冇咁緊，但腰仍然好痛及左腳腳痺。

2014年3月，我去睇神經科醫生，再照磁力共震，腰椎L4、L5椎間盤及L5、S1椎間盤突出，突出大概3.5mm及4mm，壓住L5神經線，腰患惡化。醫生同我講，你咁多年冇去處理冇去醫，惡化係非常正常。醫生提議手術方案或注射類固醇入脊椎止痛，我選擇後者，諗住可以極速唔痛。打針後，我感覺如重生一樣。

2014年7月，腰開始酸痛。到8月中時，腰痛腳痺的程度好似我從未注射類固醇一樣。之後去做推拿針灸，做完可舒緩一兩日，但我知都是治標唔治本。

2015年1月，頸痛及左手偶爾麻痺，病左咁多年，我知係頸椎出事。剛巧舊同事聚會，同事多年腰痛是由一位脊科醫生治好的，佢叫我去試下。