頸椎病

病患者女 - 60歲

葉醫生，你好！本人上午初開始眼力差，尿頻，頭痛，頭暈，身體乏力，行路隻腳好似行不順，心跳加速，心悸，肩胛，背微微淵痛。
上年4月看腦神經外科照MRI 條頸直咗反後，壓住C2-C5, 有提過手術。但我很怕，所以做了很多物理治療，脊醫，都冇用。

因為政府骨科話輕微啫。其他腦科醫生又話輕微，叫我去看內科，今年7月做了測試，又話我右邊腦小咗多巴安，所以推斷我是柏金遜，現在看政府醫生攞藥吃。醫生叫我不需要去私家醫生做手術，吃柏金遜藥可以改善。

但我情況未有改善，更加嚴重，整天𢓭腦好似有野壓住，條頸好硬，眼睛對不到焦，身體猛緊，頭痛，頭暈，行路冇力，不穩，經常有尿意。肩背脊淵痛，坐低臀部至背，頸，頭，會硬痛。經常心慌，心悸，胸口翳悶。

每晚躺在床上背脊痛，頭殼硬，頸也硬，手半夜會麻痹。左邊嚴重啲，經常扎醒，半夜又開始心悸。
現在冇法生活，行走。不是正常人的感覺。

請問這是否頸椎病的病徵？有冇相似的病例，經過手術可不可以改善這些病徵？我曾經聽過是壓着脊髓神經，影響了交感神經。有沒有這種情況呢？