鼻敏感+氣管敏感

病患者女 - 26歲

由12月初因打掃而鼻敏感(以前都試過輕微)，鼻水倒流而令氣管有少少呼吸不順，本身睇普通科食緊藥個幾日好點點，點知完藥之後幾日開始嚴重到連訓覺會扎醒(似睡眠窒息症既扎醒)同呼吸不順，鼻肉長期腫脹，吸氣感到明顯喉嚨有異物，有時呼氣會覺得心口似有野壓迫，長期喉嚨有野要吞落去同痕癢，有時會痕到咳。呼吸亦比平時長同感覺窄窄地。
情況持續到而家有3個月，期間睇過5次耳鼻喉科只比鼻敏同舒緩氣管藥同鎮靜藥，食藥期間只有舒緩，又無幫我照鏡檢查只話我唔係鼻息肉&炎症未清但又無講我係咩炎症…
而家雖然呼吸好左少少+用類固醇噴鼻+噴鼻鹽水洗鼻，但鼻肉只有洗完鼻會消腫少少，一陣又充血脹返，喉嚨依然有異物感同有野要吞落去+長期痕癢。
究竟點先可以完全消腫？長期腫會唔會變成鼻息肉？喉嚨同氣管發生咩事令我咁痕+有異物感同持續呼吸不順？係咪要長期覆診食藥？可唔可以自己配藥食？
幾時先可以停類固醇噴鼻同洗鼻？唔知而家點做好。謝謝