周身肌肉痛…胸旁位置同肚的兩個位置按落會痛

你好醫生，
我女性，今年26歲，做社區中心。
最近幾個月我日日都周身肌肉痛……個人好攰……有時朝早起身個人重發熱出晒汗，之前睇過醫生，佢話我可能有遺傳關節炎叫我去驗血……但驗血結果冇事……醫生都唔知咩原因😢我本身身體都成日頭痛，有時重會頭痛到嘔吐…腸胃有敏感成日肚痾。
最近我發現，人正中間近右胸既位置同肚腩上，下方位置按落去會好痛…但平時就唔覺有事。我之前肚有時都會有陰陰痛照左超聲波等緊7月報告。但都想知胸部點解按落會痛……同埋個人肌肉點解日日都痛……

謝謝你。